Cás-Staidéar A - Cur i bhFeidhm Bunachair Shonraí do Chúrsaí Leighis

Rinne gnáthdhochtúir dea-bhunaithe, le triúr dochtúirí comhairleacha agus ceathrar foirne riaracháin, conradh linn le réiteach bunachair shonraí a thógáil. Tar éis dúinn breathnú ar bhogearraí eile, aimsíodh nár fheil siad do riachtanais chasta na cliantachta. Bhí roinnt gnéithe ar iarraidh agus níorbh fhéidir ceann ar bith acu a shaincheapadh go dtí an leibhéal cruinnis a beartaíodh a bheith ag teastáil.

Rinneamar anailís ar riachtanais na cliantachta agus d'fhorbraíomar fréamhshamhail. Bunaithe ar an aischothú, chuireamar i gcrích réiteach iomlán saincheaptha agus shuiteálamar ar gach ceann de dheasca an árais mháinliachta é. Cruthaíodh an feidhmchlár trí úsáid a bhaint as SQL, Visual Basic agus Microsoft Access 2000. Cuireadh freastalaí lárnach ar bun chun an bunachar sonraí a stiúradh le hurra go mbeadh sioncronú agus aga freagartha tapa ann.

Tar éis céadbhliana rírathúla i bhfeidhm, scrúdaíomar an córas arís chun riachtanais bhreise a d'fhéadfadh a bheith ag teastáil a aimsiú. Chuir ár mioneolas ar oibreacha na cliantachta ar ár gcumas feidhmiúlacht a mholadh nár smaoinigh siad uirthi fiú amháin. Tá an córas oiriúnach le HL7 agus le IS0-9000. Anois, tá sé i gceist againn athbhreithniú a dhéanamh gach bliain chun feidhmiúlacht an chórais a fheabhsú.

Cás-Staidéar B - Riarachán Líonra agus Cothabháil Ríomhaireachta

Rinne gnó gairmiúil atá suite i gCathair na Gaillimhe teagmháil linn maidir lena mbonneagar ríomhaireachta. Roimh dhul i dteagmháil linn, bhí plé acu le roinnt comhlachtaí ríomhaireachta eile ach fuair siad amach nár thairg ceann ar bith acu sin an réim leathan chéanna seirbhísí agus tacaíochta teicniúla a thairgimidne.

Ar dtús d'uasghrádaíomar an líonra chun na caighdéain reatha atá ar fáil a bhaint amach. Nuair a bhí seo déanta, chuireamar aistriú éifeachtach i gcrích ar a gcuid inneall ar fad ó Windows NT go Windows 2000 agus XP. Cumraíodh an Chomhadlann Ghníomhach agus a bhfreastalaí lárnach comhad ansin chun riachtanais idir shlán agus éifeachtach a chomhlíonadh. Cuireadh ar fáil idir rochtain idirlín leathanbhandaigh agus chianrochtain ríomhairí. Ina dhiaidh sin, chabhraíomar le roghnú na mbogearraí gnó is iontaofa agus is éifeachtaí ó thaobh costais de, agus chuireamar i gcrích iad, chomh maith le gach riachtanas eile tealaimh ríomhaireachta.

Cuirimid cothabháil rialta ar fáil dá líonra agus dá ríomhairí chomh maith le tacaíocht IT ghinearálta.